SUN驚奇：外賣仔慨嘆毒品毁家庭
「外賣毒品，令我賺到唔少錢，但就失去咗一個家！」現年三十餘歲的阿偉（化名），十六歲時首次接觸毒品，二十歲開始做「毒品外賣仔」，後來結婚生子，「老婆希望我會戒毒，而且唔再做呢行，但我做唔到。」
回想當年，阿偉吸食多種毒品，以販毒方式支付吸毒支出。原本是客貨車司機的他，變成「毒品外賣仔」，用客貨車及私家車運毒，運毒期間，曾有兩次被警察截停，在車廂發現毒品，結果被判入喜靈洲戒毒所。
刑滿後離開戒毒所，阿偉仍然吸食及販毒，令妻子十分痛心且提出離婚。兩年前，阿偉才醒覺，明白自己妻子及家人的惡劣關係，都是毒品所害，遂到香港戒毒會石鼓洲康復院戒毒。
戒毒成功後，阿偉積極面對人生，現為石鼓洲康復院義工，為院友進行同輩輔導，「老婆當年要同我離婚，係我一次又一次令佢失望，如果時光可以倒流，我一定唔會吸毒，亦唔會做毒品外賣仔。」
