SUN驚奇：聖誕毒品到會賤招送外賣

「毒品快餐車」趁聖誕假密密送，為派對提供毒品到會！聖誕是毒品外賣旺季，部分毒販生意較平日增五成。一對曾經從事毒品外賣的男女向本報大爆避警蠱惑招，如以禮物盒包裹毒品送上門，將毒品收藏車尾暗格、扮放狗送毒，或要求客人自行在街邊花槽或垃圾桶取貨。有戒毒機構憂愈來愈多年輕人參加聖誕派對時，抵受不住朋輩誘惑而初次吸毒，終陷「毒網」。

買家「收衫」地點
扮送禮
毒品包裝成禮物，由「毒品外賣仔」送上門。（設計圖片）

花槽（設計圖片）

汽水機（設計圖片）

垃圾桶（設計圖片）

路邊（設計圖片）

扮放狗（設計圖片）

阿偉送毒品，曾於過去幾年的聖誕節假期，一晚可賺一萬元。

Gigi透露女士在聖誕毒品派對常可獲免費毒品，增加沉淪機會。

譚紫樺擔心聖誕迷幻派對會令年輕人有機會初次接觸毒品。

警方應嚴打
吳小姐（市場業）：「依家好興聖誕迷幻派對，好多年輕人參加，家長應多啲教導子女，唔好亂食毒品。」

張先生（電工）：「毒品外賣令人更容易攞到毒品，警方應積極打擊。」

「十個A餐，六個B餐，十分鐘到。」曾是「毒品外賣仔」的阿偉（化名）講解落單暗號，「A餐係可卡因，B餐係K仔（氯胺酮），一個餐代表一粒。」在過去幾年的聖誕假期，阿偉每晚至少收到三十個外賣來電，七成是來自毒品派對。收到訂單後，阿偉利用私家車或客貨車「密密送」，他會將毒品收藏車尾箱暗格、地氈底，或空心車軚，「喺聖誕節前後，一晚閒閒地可以賺一萬元。」

近年「毒品外賣」流行，尤其在聖誕節，「毒品快餐車」密密出動，為毒品派對提供到會服務。香港戒毒會指不少年輕人因貪玩、趁熱鬧，而參加聖誕派對或到夜場玩，從而初次接觸毒品，令吸毒人數增加。

聖誕除夕訂單飆五成

「外賣仔」會選用禮物盒包裹毒品，然後將禮物送上門或到夜場。「為咗逃避警方追查，或者係陌生客人，我哋會將啲貨先放喺指定地點樓下嘅花槽、垃圾桶、安全島及汽水機附近，然後致電客人叫佢落街，我哋收咗錢後，就叫佢自己去『收衫』，意思係攞貨。」

而「外賣女」亦會以特別方式派貨，二十六歲的阿虹（化名）曾做過「外賣女」，她說，多數會獨自乘坐的士或步行送貨，「因為一個女仔送貨，甚少會被巡警截查，我會將毒品收埋喺內衣暗袋，我仲試過扮放狗，將毒品放喺件狗仔衫裏，成功避過警察搜查。」

聖誕及除夕是「毒品外賣」旺季，阿偉指訂單會較平時多五成，「年輕人開毒品派對，除夜場外，唔少喺唐樓，甚至公屋。而聖誕毒品派對，通常叫『雜餐』，如K仔、冰、可卡因及大麻。我見過最誇張嘅派對，屋內有二十幾個男女，有啲喺露台吸大麻，有啲在客廳邊打機邊索K仔，有啲喺廁所吸冰，滿地毒品及吸毒器具。」

二十歲的 Gigi（化名）曾沉淪毒海，不但叫過「毒品外賣」，也參加聖誕迷幻派對。「女仔喺聖誕毒品派對，可以獲得免費毒品。喺派對上，吃完就「叫外賣」，男仔付錢，一個電話，十分鐘就有貨到，好方便。」她坦言有朋友在聖誕派對期間，受不住朋輩誘惑而首次吸毒。後來，阿虹及Gigi對自己的行為感後悔，脫離毒海後，更成為香港戒毒會的義工。