廿一世紀係講求速度及效率嘅時代，只要快人一步，理想可以達到。東方報業集團全新旗艦網站「on.cc東網」緊貼社會，追蹤時事，係全球華人獲得最快最新資訊嘅最佳選擇，絕對唔係誇張o架。

呢，近日引起港人極度關注嘅半歲大女嬰俞凱晴懷疑被盜案，擾攘多日終於有驚人發展，警方相信小凱晴已被埋堆填區，前日以涉嫌非法處理屍體罪拘捕其媽媽，懷疑佢自編自導自演，玩殘警方及網民。當日「on.cc東網」以「盜B案破案，警方拘捕女嬰母親」為題第一時間發出呢條消息，並以「推播通知」功能率先通知手機用戶，即時轟動全城。關於呢單案嘅最新及跟進報道，社交網站推介次數接近五千，瀏覽頁次超過三十五萬。

有人可能會問，點解一單新聞短時間內會吸引咁多人瀏覽？嗱，咁就不能不讚一讚「on.cc東網」嘅「推播通知」功能喇。即係咁，凡係有重大新聞，「on.cc東網」就會透過呢個功能即時「推播通知」手機用戶，務求令大家第一時間掌握最新資訊。當然喇，除咗「盜B案」之外，H7N9禽流感殺入香港、警方拘捕「粉末案」疑犯、港府委任馮煒光為新聞統籌專員等等消息，東網Apps都即時推播，獲得讀者及網民一致讚賞。

所以話，上東網，知天下。今時今日只要一機在手，就可以隨時隨地透過「on.cc東網」了解本港及世界任何資訊。舉個例吖，「玩具大王」蔡志明之子蔡加讚及模特兒汪圓圓日前舉行世紀婚禮，「on.cc東網」獨家全程直擊，第一時間圖文並茂報道婚禮盛況，主人家及出席嘉賓都讚不絕口。日後所有大型活動，「on.cc東網」都會緊貼直擊，大家唔好錯過吖！

講到呢度，又係時候同大家報告好消息。「on.cc東網」全新登場一個月以來氣勢如虹，網民節節上升，單月不重複瀏覽人數高達三百一十二萬，其中海外佔四成二，證明東網「立足香港，服務全球」絕對冇花冇假。至於手機Apps下載及安裝數目，更加令人鼓舞，Android和iOS兩個平台已超越五百五十萬次，簡直係人見人愛，花見花開。

順便再提提大家，東網手機Apps已進行咗更新，只要上App Store或Play Store更新東網Apps，就可以隨時登入「on.cc東網」，瀏覽最新版面，仲可以透過Apps直接閱覽全球免費開放嘅《太陽報電子報》及《好報電子報》添。

總而言之，「on.cc東網」推陳出新，精益求精，新聞又快又準，絕對唔係一般網站咁簡單！

第一手消息請下載on.cc東網iPhone/iPad/Android/Windows Phone Apps