城中鏡：提起「盜B」 何志恩心寒
時裝設計師Johanna何志恩尋日以導師評判身份出席時裝匯演，佢話依家小朋友係受保護嘅動物，受環境所逼令佢哋想要嘅嘢都好易得到。佢笑言生完女之後有惡嘅一面，佢話：「我都驚參加者一陣喊，返去同家人講。咁講真，我都係做好自己本分，不過見到參賽者接受我嘅意見，我感動到想落淚，因為自己個女都未必咁聽話。」
何志恩笑言生完女之後有惡嘅一面。
提到哄動全城嘅「盜B案」，BB嘅媽媽日前被捕事件，Johanna話：「好心寒，我自己日日送女返學，唔好個社會有事先警惕，今時唔同往日，未必可以同鄰居一齊玩，有時係一個惡性循環，家長要保護小朋友，但又想畀小朋友自由發展，係好難。」
