最近有人提出「香港不能『人治』」說，籲政府的權力要在法治的基礎上公平公正地落實執行政策，這只不過是政府施政的ABC，街邊抹車仔也知曉吧！

中國五千年來，都係帝制統治，一言九鼎，大王話晒事，即使孫逸仙同志革命推翻封建帝制，無袁世凱奪權登基、復辟皇位，到了新中國成立，又何嘗不是一言堂天下？六十四年來，經歷五代領導人，哪一朝不重搬龍門，自立新理論，思想指導群眾，按本子辦事的呢？

第一代領袖老毛之「毛主席思想」，不用多說。第二代揸Fit人小鄧，平亂四人幫，坐穩江山，於七九年便立刻拋出「四個堅持」的政治命令，到八七年十月嘅十三大，更把這《四項基本原則》寫入黨章。

二○○一年，於建黨八十周年大會講話中的「三個代表」（重要思想），咪又篤定做「指導思想」！喺二○○四年，也可將這「三個代表論」除寫入黨章外，比小鄧更進取，寫埋落《中華人民共和國憲法》裏，係「國法」啊！

輪到第四代，怎可沒有自己一套？於是主張「以人為本、全面、協調及可持續的發展」嘅「科學發展觀」喺二○○三年又橫空面世，沿前人軌迹，於二○○七年十七大亦寫入黨章，確立王者威信！

到今天又係乜呢？哦，咪有甚麼乜乜「中國夢」囉！幾千年過去，原來中國人發咗一場夢。

彭志銘

次文化考古學家，對城中潮語有深入研究，博徵博引，廢官廢人行埋一邊。歡迎add我facebook一齊（目及）實政府

第一手消息請下載on.cc東網iPhone/iPad/Android/Windows Phone Apps