SUN搞作：少膽虫手記：為造新聞，你可以去到幾盡？
「得未呀！」膠蘇不耐煩問。「黏埋呢條就得啦！」肥豪道。少膽虫放眼望過去，只見兩團肥肉纏綿在一起，立即喝止：「搞乜Q？」肥豪不失霸氣地說：「為正義！為真實報道！」
少膽虫若有所思，不明所以之際，赫見膠蘇個樣貨不對辦，兩眼炯炯有神，面泛紅光，「做乜變臉？成個女人咁？」少膽虫疑惑問。「試緊DIY植睫毛對隻眼有冇影響吖嘛！」膠蘇自豪道。「為咗證實呢單新聞嘅真偽，我哋不惜以身試毛，做個真全霉！」肥豪搶住講。
「做得好！好彩冇白費我教你哋做全霉嘅真正意義！」少膽虫語畢。說時遲，那時快，少膽虫手執鉸剪，拉高肥豪的手袖，一揮剪下，零碎的手毛隨即掉下。肥豪驚慌失叫，「嗱，做新聞，要誇張啲、取巧啲！試埋呢啲手毛當睫毛，仲要試埋其他……毛！咁先吸引到讀者嚟睇o架嘛！」少膽虫滔滔不絕道。此刻，肥豪同膠蘇頓時一額汗，睇嚟要為造新聞而犧牲喇！
