SUN搞作：網絡小說：電視界秘聞

「嬸嬸唔使擔心咁多，返去享清福啦，我哋套套劇收視都過三十！」拎姐打住喊露，明顯係好眼瞓。

「最近啲新聞咁轟動，我哋一於開套懸疑劇，拍B媽自導自演偷B！搵塵蠔木偶鼻去做，實收得！」自詡橋王嘅真姐拍晒心口。

「阿真，有冇新橋？依家班人罵我哋無新意呀！」嬸嬸擔心咁問。

「唓！我哋做參考之嘛！就好似修哥套小生遊世界，班細都參考泡菜綜藝啦！到時拍好咗，再整段塵蠔『粗口片段流出』就有市場喇！」真姐滿懷自信安撫淥嬸。

「唔係啵，阿媽丟B屍，太殘忍喇！我哋唔可以教壞觀眾！」嬸嬸又再好擔心。

「無事嘅，到時塵蠔、唱K同木偶鼻段三角戀先會係主線，實有團圓結局，啱晒喺合家歡時段播呀！」拎姐搶答。

「有冇啲創新嘅橋？人哋拎呢樣打我哋喎！」嬸嬸又追問。

「創新有咩意義？選特首個政府都話要循序漸進啦，劇集方針都係要承先啟後嘅……」講完呢句，拎姐頂唔順眼瞓，拍枱走人。