SUN搞作：sun官場現形記：遲疑不決
世衞總幹事雞珍捉咗食衞局局長文文入房，兩人偷偷摸摸，喺房度咬耳仔，畀李衞見到咁嘅情況，仲唔第一時間偷聽咩……
雞珍：又遲啦！又遲啦！
文文：遲啲乜呀？
雞珍：唉，好擔心！你知喇……
文文：唔使咁擔心住！係咩事先？
雞珍：咪嗰啲嘢……上個月都仲好哋哋！
文文：係咪嗰啲女人嘢？
雞珍：仲有邊啲吖！
文文：遲嚟M啫，你呢個年紀，都好正常嘅，唔使咁騰喎！
雞珍突然冚文文一巴。
雞珍：該煨囉！仲扮唔知，講緊你遲咗禁深圳供港活雞呀，依家爆發首宗H7N9啦，個病人仲危危乎！你點做嘢o架！
文文：我都唔想o架……
