政壇：黃天祐：內企注重管治

講到呢個問題，香港董事學會主席黃天祐話都反映咗依家香港情況，同埋喺呢幾年內地企業比以前注重咗管治，希望透過獨立機構評審公司嘅內部管治，帶到啲新改變畀公司。

佢話「呢個獎唔係畀錢就可以買到，喺評審過程中對企業嚟講係一個大鼓舞」，又話依家內地機構都渴望可以提升管治，同埋特別留意公司做得好定唔好。

講開公司管治，阿里巴巴都係一個幾好嘅研究對象，黃天祐再度批評阿里擬以雙重股權形式嚟香港上市，佢強調雙重股權制度絕不可取亦不能接受，公司上市嘅目的並唔係主要為集資，而係要令公司經營更穩健，同時可與小股東榮辱共享，又話阿里巴巴當年股價以高位上市，低位私有化嘅事件前車可鑑。