SUN驚奇：為保生意好難唔接電話
「我哋教緊車嗰陣，不時都會收到其他人打嚟查詢教車嘅事，有啲係核實上堂時間。」一名有三十年教車經驗的師傅說：「如果唔聽電話，分分鐘連生意都冇埋，所以有時明知咁做唔啱，都會照聽電話。」
該名教車師傅又表示，教車師傅工作時間長，由早到晚，「依家有好多人學車，有時我哋要連續教四、五個鐘，真係連食飯時間都冇！」不過，他絕對不贊成同業教車時吸煙的做法，「我都係煙民，但唔會教緊車嗰陣食煙。雖然咁做唔係犯法，但實滋擾到個『學神』，搞到佢集中唔到精神揸車。」
九龍汽車駕駛教師公會委會羅啟新指，行內無指引或守則定明教車時間不許吸煙及使用手機，他續稱，不過近年一些具規模的駕駛學校為提升教車師傅質素，會制定相關的內部指引，禁止駕駛教師教車時，用手機或吸煙，否則可被懲處。
