李衞响街市與食環署署長文文撞到正，久別重逢下，李衞梗係唔會放過呢個機會，與署長噓寒問暖一番……

李衞：署長，咁有閒情逸致嚟街市買餸吖！

文文：今晚親自落廚，整餐好嘅氹老婆嘛，嘻嘻！

李衞：啲魚靚喎，買條返去煲湯吖！

文文：係？有咩好介紹先？

李衞：呢條魚吖，好少見o架，煲湯夠鮮！

文文：吓……呢條……唔係咁好喎！

李衞：一係呢堆嗱！四、五條魚BB，細細條，熬湯一流！

文文：呢堆……都唔太啱食啫！

李衞：唔啱食定唔敢食呀？街市賤賣鎚頭鯊同尖鼻鯊BB，呢啲都係瀕危同近危品種，喺正你面前你都唔理，究竟你個署長點做嘢o架！

第一手消息請下載on.cc東網iPhone/iPad/Android Apps