香港地少人多，無論住所或辦公大樓都好似插針咁，好難令建築師發揮創意。著名建築師呂元祥兒子、被視為建築界明日之星嘅建築師Bryant呂慶耀就話，承接公共設施嘅設計案最過癮，皆因設計冇咁多限制喎！

呂慶耀話下一步將多啲競投國際標案。

Bryant現任呂元祥建築師事務所副主席，係本港三大建築師事務所之一。咪以為佢係靠外父新鴻基地產聯席主席郭炳江畀生意佢做，Bryant話，其實信和置業同新世界發展等大地產發展商都係佢哋嘅客戶。Bryant仲躊躇滿志咁話，下一步將多啲競投國際標案，渴望有朝一日香港嘅建築師亦可揚名國際，不讓國際大師專美於前。

第一手消息請下載on.cc東網iPhone/iPad/Android Apps