政壇：熱心義工感動頭箍小姐
好多資深政務官（AO）近年先後離開官場，但係休息一輪之後都好活躍，近年就有好幾位女AO不約而同加入商會，繼續發揮所長。計計吓，財經事務及庫務局常任秘書長「頭箍小姐」區璟智仲有一年幾就退休，我哋見佢不時出席慈善活動，唔通佢退休後想投身公益事務？
區璟智（右）同聯合國兒童基金會香港委員會主席陳晴，齊齊亮相慈善跑。
聯合國兒童基金會尋日搞咗個慈善跑，吸引唔少名人出席。「頭箍小姐」亦有出席。原來佢係聯合國兒童基金會委員會成員，佢仲話自己喺官場多年，但每次見到班義工好熱心幫班貧困兒童，自己就倍覺感動。
雖然「頭箍小姐」過多年幾就正式退休，但無論去向如何，佢退休前仍有大把嘢做，好似明年港府負責舉辦亞太經合組織財長會議，佢就要坐鎮指揮，確保無意外發生，睇怕退休前要舒舒服服都好難喇！
