東網蒸蒸日上，全靠大家捧場！東方報業集團全新旗艦網站「on.cc東網」隆重登場後，氣勢如虹，威力無邊，受到各界一致好評，太一叮首先要講句，多謝晒！

講完多謝，跟住就要宣布好消息喇。為咗回饋讀者同網民嘅鼎力支持，「on.cc東網」推出震撼優惠，今日（十一月二十一日）起免費全球開放《太陽報電子報》及《好報電子報》，毋須登記，即可隨時隨地喺網上睇驗閱報新樂趣，正式係行到邊，睇到邊，係咪夠晒驚喜呢！

唔係太一叮賣花讚花香，「on.cc東網」立足香港，服務全球華人，冇花冇假o架。其中《太陽報電子報》香港時間每日凌晨三點半出版，全球各地可同時瀏覽；而《好報電子報》就逢周五出版，獨家猛料，足本內容，原汁原味，一覽無遺。至於《東方日報電子報》稍後同樣會推出優惠，屆時廣告客戶仲會有喜訊添。即係咁，「on.cc東網」免費開放電子報，網民固然有着數，廣告客戶同樣得益o架，今時今日網絡無界限，喺東方報業集團旗下刊物落廣告，等於喺全世界賣廣告，除咗可以吸引全球華人，隨時連外國人都吸引埋，你話係咪威力無邊吖。不過咁，嗰啲不斷針對東方報業嘅牛鬼蛇神就有難喇，到時全球華人都可以睇到佢哋嘅醜行，想唔臭名遠播都幾難。

網絡無邊界，資訊新時代，東方報業作為香港報壇一哥，一向秉承精益求精、與時並進嘅精神，「on.cc東網」自然亦要不斷革新。嗱，除咗免費開放《太陽報電子報》同《好報電子報》 ，仲有好多驚喜帶畀大家，太一叮今日先透露少少，《ontv東方電視》將會進行大改革，除咗原有嘅新聞、娛樂、財經、體育及生活等等範疇，日後將會以自製節目，評論分析為主，一於論盡家事國事天下事，令大家有全新視覺享受之餘，亦可以掌握時代脈搏。

正所謂，欲知天下事，東網話你知。「on.cc東網」內容豐富精彩，包羅萬有，尤其係即時新聞，簡直係一覽眾山小。係人都知，資訊時代講求速度及效率，「on.cc東網」繼台灣版之後，將會陸續喺全球各地建立分社，增聘當地記者，建立龐大編採隊伍，為「on.cc東網」打造最強即時新聞，每日廿四小時提供最快、最準確、最詳盡嘅資訊。最值得一提嘅係，「on.cc東網」即時新聞配合大量圖片同視頻，集文字、圖片、視頻於一身，領多媒體新聞風氣之先，可以話係全球華人獲得各類即時資訊嘅最佳選擇。

今時今日上網已經唔再局限於電腦，用智能手機一樣得。太一叮提提大家，「on.cc東網」Android手機Apps已經推出，其他手機版本嘅Apps亦會陸續更新。

一句講晒，上東網，知天下。「on.cc東網」全力出擊，精彩陸續有來，繼第一波震撼優惠之後，第二擊及第三炮亦即將隆重登場，請讀者及網民密切留意，千祈唔好錯過吖！

第一手消息請下載on.cc東網iPhone/iPad/Android/Windows Phone Apps