鄰近珠三角工廠區的東涌，每逢秋冬，來自內地工廠區的污染物，都會隨北風吹至東涌，令當區居民飽受「毒害」。有離島區區議員表示，多年來東涌的空氣污染問題未見改善，而居民患上呼吸系統疾病的情況，亦愈見嚴重。

東涌居民點睇
劉先生：覺得東涌成日都灰蒙蒙一片。

潘先生：空氣咁差，家人同朋友都經常鼻敏感發作。

離島區區議員鄧家彪表示，東涌鄰近珠三角工廠區，空氣污染一直嚴重，「以前（空氣）只係間唔中先會變差，但依家一年四季都好嚴重。」鄧指，他不時收到東涌居民反映，患上呼吸系統疾病，當中較多小童患上鼻敏感。

第一手消息請下載on.cc東網iPhone/iPad/Android/Windows Phone Apps