SUN搞作:SUN官場現形記:太多「規」心事
立法會議員犯國規帶示威者入立會休息室沖涼,明明就係衰咗,不過佢仍然死唔認錯,仲諸多狡辯,呢啲人嘅面皮厚到呢……
保安員︰喂,起身行喇,唔快啲趕唔切!
犯國規︰吓,無端端你拉我去邊?
保安員︰去邊?咪去獄室囉!
犯國規︰獄室?!做錯咁小事都要去,收吓警告信咪算。
保安員︰我係跟足你要求做。
犯國規︰我幾時有要求?我都不過係趕過你走,大佬畀條生路行吓……
保安員︰唔得,我係好守規矩!
犯國規︰咁去之前可唔可以畀我打電話,同親友道別……
保安員︰道別?去立會嘅沖涼浴室都要道別?
犯國規︰沖涼浴室?
保安員︰又係你話要加多幾格沖涼房,依家咪帶你去睇點搞囉!
犯國規︰@##$$%%%