城中鏡：黃建業行山慶生日

黃建業話用呢個方式慶祝生日，既簡單、溫馨又充滿意義，佢話尋日晨咁早已去到山頂，途經遭申請改建為酒店嘅盧吉道二十七號大宅，眼見景色將來或被破壞，行山路線更可能變成行車線，佢好支持保育，最好唔好改變盧吉道現貌，舉腳反對將幅地改建酒店。

佢嘅乖女、一班同事，又點會唔記得佢生日吖，尋日喺生日會上，成班管理層、董事同後勤主管送上一張寫滿祝福心意嘅生日賀卡，你話黃主席心情會靚成點。黃主席相當有心思，除送上甜蜜朱古力之外，仲向大家慨贈其「努力打拚終身學習」嘅成功之道，呢啲實戰經驗好難得o架，大家聽得津津樂道。有乜生日願望？非常簡單，就係「日日開心」。