「雖然次次都唔成功，但至少係改變到啲嘢。」

「長洲覆核王」郭卓堅一生為公義而戰，放棄安逸退休生活，與政府對簿公堂。

圖書館是郭卓堅的「蒲點」。

郭卓堅覆核渡輪加價，終與運輸署和解。

郭卓堅已就免費電視牌照提司法覆核。（資料圖片）

「為咗公義，所以要企出嚟！」免費電視牌照滿城風雨，繼市民李慨俠後，有「長洲覆核王」之稱的郭卓堅亦入稟司法覆核告政府。這名年逾七十的退休公務員，在殖民地年代長大，相信法律可以平反社會不平事，於是捨棄安逸生活，走上法庭，挑戰政府。他七年來至少九次控告政府，最終兩次逼到政府庭外和解，修訂政策。轉眼過了半輩子，他坦言為下一代，餘生會繼續為公義而戰。

從沒看過香港電視節目的郭卓堅坦言「睇唔過眼」，於是申請法援提出司法覆核，「如果個個都認為社會係咁o架喇，畀心機搵錢好過，咁做人仲有咩意思？」他不是律師，但對法律程序卻駕輕就熟。

郭卓堅十七年前搬入長洲，自此開始「覆核之路」。○六年運輸署批准新渡輪三條航線加價，他認為渡輪公司加價無理，遂以違反《渡輪服務條例》為由，第一次申請司法覆核，「長洲來往中環線一直都有盈利，無理由因為另外兩條航線蝕錢而一齊加價，咁樣對我哋長洲居民好唔公平。」

非法集會判監留案底

此後他不時提覆核挑戰政府決定：入稟將長洲列入村代表選舉地區、要求更改區議會功能組別選舉方法，以至反對石鼓洲建垃圾焚化爐。雖然郭卓堅從未勝訴，但提起「戰績」仍一臉滿足，「雖然次次都唔成功，但至少係改變到啲嘢。」

其中兩次覆核，政府主動提出和解。一次是運輸署就渡輪加價申請，承諾從此分開計算不同航線票價；另一次是長洲鄉事選舉方法，當局在和解後將議題帶入立法會。郭卓堅相信法庭是市民爭取公義的最後防線，「你話你嘅嘢啱，我話我嘅嘢啱，就咁拗落去都唔係辦法，最好係由法官用法律去講邊個啱。」

說起法律，他總是滔滔不絕，笑言打官司可預防老人癡呆，又猶如「人肉基本法」，幾乎可倒背出來。當年他中學畢業後，到台灣大學讀法律，「我無諗過做律師，只係成績唔夠好，見邊科易入就讀邊科。」返港後他在政府當低級公務員。七一年，他到維園參與保釣活動，豈料被警方「打爆頭」，更因非法集會判監三個月。留有案底，升職無望，退休前仍是文員。讀法律的背景，加上工作時接觸不少法律文件，他才會成為今天的「覆核王」。

郭卓堅每星期會坐船到中央圖書館和香港大會堂「刨書」，「要睇法律書就要出嚟，有時可以睇足一日，睇完再搭夜船返去。」他今年七十三歲，但從未言倦，坦言「做得一日得一日」，「我無咩心願，除非唔郁得啦，唔係喺我有生之年都會繼續維護公義，一直做（覆核）落去。」

成本價賣米助街坊

訪問中途，郭卓堅的手機響起。「得得得，你晏啲過嚟攞呀﹗」掛線後，他向滿臉疑惑的記者解釋，「係長洲街坊打嚟話想買米。」原來這位「長洲覆核王」兼長洲街坊會主席，不但為大小事項提出覆核，最近更向米商入貨，以成本價賣平米，幫助有需要家庭。

突然改行賣米，一切緣於上月某天晚上的經歷。「有晚十二點幾，聽到細路喊聲，有三個細路同阿媽企喺我屋企門口。原來佢哋屋企無晒米，老竇又未畀家用，搞到啲細路餓到喊。」郭卓堅見狀，立即拿幾包餅乾及幾殼米給他們，解燃眉之急。

之後他發現長洲有不少類似遭遇的家庭，於是決定向米商入貨，再以每包較市價平三十元的成本價賣給長洲居民，「我無賺錢o架，只係想幫人，連運費都係自己出。」獨居小島的他有兩女一子，家人長期不在港，除照料家中的流浪貓狗外，幫人就是他最大的興趣，「有百分之九十九嘅時間，我都係為人哋做嘢。」