城中鏡：龔楊恩慈為中產「在線」
在職嘅中產人士平日工作繁忙，有啲連放假都要OT做嘢，周身唔得閒。中銀香港為咗方便呢群客戶，率先提供一項二十四小時「在線對話」支援服務，呢項咁人性化嘅網上解答服務，連高端客戶暫時都未用得住。
阿Ann話二十四小時「在線對話」服務，主要針對中產客。
中銀香港個人金融及產品管理總經理Ann龔楊恩慈話，高端嘅「中銀理財」客戶遲啲都有得用呢項「online chat」服務，但係以中產人士為目標客戶嘅「智盈理財」就可以率先享用。智盈理財客戶嘅每月綜合理財總值，最低要求係二十萬元或以上，否則就要付一百二十元月費。多咗呢個戶口種類之後，中銀理財客戶嘅最低理財總值，就會由現時嘅五十萬元增加一倍至一百萬元。不過現有中銀理財客戶可以延至一五年先受影響。
