城中鏡：陳正欣獲天書 樂享檳FUN
活躍於社交界同慈善團體嘅保良局總理Daniel陳正欣經常出外應酬傾生意，對飲食嘅追求一絲不苟。有日下午見到Daniel同兩位外籍男友人喺中環歷山大廈一間米芝蓮三星級嘅意大利餐廳用膳。
陳正欣（中）獲餐廳侍應送贈一本介紹香檳嘅小冊子。
陳正欣（右）話自己忙裏偷閒與友人摸吓酒杯底鬆一鬆。
佢哋啱啱用膳完畢，臨走仲同店員有講有笑，當佢正欲步出餐廳之際，企喺門口嘅侍應向佢哋遞上一本小冊子，並從旁向佢解釋該小冊子嘅內容。Daniel好專心咁聽，之後伸手收下，最後同友人道別離開。
記者上前同Daniel打招呼，問佢手上嘅小冊子係乜？佢笑笑口話不時幫襯呢間餐廳，最鍾意品嘗Krug法國香檳，於是侍應送咗本關於Krug嘅書畀佢睇。
忙裏偷閒摸杯底
最近由鐘錶界進軍服裝零售界嘅佢話，近日事業同慈善兩邊忙，呢日就忙裏偷閒同朋友嚟摸吓酒杯底鬆一鬆喎！
Krug被譽為「香檳之王」，而呢間米芝蓮餐廳嘅店東，正係有「白松露王」之稱嘅名廚Chef Bombana，Daniel認真識飲識食。
