名為「落溶軒」的「房怯」長者屋計劃吸引不少長者睇樓，小明也拖住爺爺的手，嚷着要爺爺畀首期。「爺爺！我哋一齊住啦好唔好？」小明用天真無邪的眼睛望向爺爺說道。

爺爺聽見，半晌說不出話來，熱淚盈眶：「嗚……嗚……好孫！乖孫！」小明拉實爺爺手接着說：「你睇你睇！個廳幾得意！又窄又長，可以叫埋啲朋友上嚟玩高爾夫球，你諗吓，高爾夫球場賣一千萬咋，勁有生活態度……」爺爺本已撞聾，聽見孫仔要與他同住，還聽得進其他？只是不住點頭。

「爺爺，咁你過數畀我，再喺度簽個名啦！」爺爺過完數，笑呵呵地簽了經紀陳遞來的文件，然後問：「好囉，咁我住邊間房？」經紀陳指一指文件，再指一指垃圾房旁邊：「你咪用成皮嘢租咗間曱甴屋咁大嘅房住囉！」爺爺立即暈低。

「房怯真係好，唔使用公帑資助都可以幫我買樓！」小明心諗：「嘻嘻，阿爺，落搭咪溶咗你囉！」

第一手消息請下載on.cc東網iPhone/iPad/Android/Windows Phone Apps