SUN搞作:sun官場現形記:「虛位」以待
發展局局長波波,早幾日就東北發展計劃落區,點知得唔到村民支持不特止,仲因為噏錯一句說話,激得村民話要請「黃師傅」出嚟,差啲發生武鬥咁濟……
劉曉波
波波︰好喇,好喇,係時候走喇!
村民︰嘩!你嚟咗無一分鐘,第一句就話要走,你算點?
波波︰其實我都唔想,但真係無計……
村民︰有咩難題,講嚟聽吓。
波波︰你睇咁多人,都無位畀我坐,所以我先話走。
村民︰咁你都講得出口?好,同我哋請黃師傅出嚟。
波波︰黃師傅?邊位黃師傅?唔通係黃飛鴻?
村民︰係就係,不過我哋嗰位係黃飛紅師傅呀!
波波︰想用無影腳踢我走?
村民︰我哋位黃師傅唔識無影腳,但識無影櫈,教你兩招咪可以坐低慢慢傾囉!
波波︰#$$%%^&&**(