政壇：驚選舉突變 卿姐諗定計？
相信大家仲記得，台灣嘅前總統陳水扁○四年競逐連任前夕被人開槍擦傷肚皮，雖然槍擊案真相眾說紛紜，但引起外界對選舉暴力嘅關注。立法會政制事務委員會尋日討論技術性修改部分選舉法例建議，議員劉慧卿就問，若然香港日後發生類似槍擊案嘅突發事故，當局會否考慮押後有關選舉。
劉慧卿
選舉事務處總選舉事務主任李柏康解釋，當局已加入面對大型疫症爆發下押後投票或點票嘅條文，如果屆時發生突發情況，當局會按既定機制處理。卿姐對呢個答案當然唔滿意啦，莫非佢預知香港實行普選後會發生類似情況，所以要求當局預早諗定計救亡？
