跪到返屋企呢招自發明以嚟，淫賤黎就企圖不斷「改劣」，要比「蠢哥」更蠢。咁啱台灣嗰頭發落狠話，任何人要買嗰壹部爛電視機，都要查十代，連村口凍死咗嗰條狗都要喺餐枱拎番啲骨去驗，淫賤黎煩惱間忽得一計，就係學朝拜者跪去拉薩一樣，跪去台灣求情……

「咁你跪安啦。」淫賤黎講出計劃後，如常同少膽虫咁講。「喳……」話口未完，少膽虫雙肩一沉，眼見兩片巨臀從天而降。「係你表忠嘅時候喇，」淫賤黎雙腳夾住虫頭，道：「你我咁樣同心合力，何愁跪唔到去……」

歷盡七七四十九難，少膽虫終於孭住淫賤黎跪到去台灣衙門。那衙差卻說：「來買壹部爛電視的？先打五十大板！」淫賤黎忙說：「我是來賣的！」衙差一聽，就帶到官老爺前。淫賤黎啱啱慶幸逃過一劫，官老爺又命人抬出釘床，指住話：「老規矩，上去滾一滾再說。」淫賤黎即時崩潰，大喊：「我只係想賣啲家當呀底褲啫，點解唔可以自由買賣？」官老爺冷笑：「任何人要買賣垃圾，都要審查！」

淫賤黎一聽，好似有轉機。「好彩帶咗你嚟！《爛果》上上下下都唔當你係人，你仲唔同我啃咗佢？」佢如花似玉咁對住少膽虫笑。