可憐嘅北區家長撲唔到幼園學位，響應集會潮流，剷上去自詡「人力資源」專才嘅局長吳得掂OFFICE度抗議。

吳得掂見成班友坐晒喺門口，諗住學禮義廉走後門速遁，可惜佢間房冇秘道，匿咗一陣，人有三急！眼見就嚟要瀨，人急智生，局長諗到條橋。三秒過後，吳得掂磨拳擦掌，打開大門─「我保證你哋嘅小朋友一定有書讀！」吳得掂怒氣的拳頭，雙手拍胸，作保證狀。「我哋唔會再畀你呃喇！玉石俱焚！」憤怒嘅家長們吼聲震天，吳得掂勸說道：「跟我嚟！今次搞唔掂我跪住返屋企！」最後家長們決定信多局長一次。

「幼稚園課室咁大，小朋友有位坐，就上到堂啦！」吳得掂帶家長爬水管，走盡九曲十三彎，喺一片漆黑前停低。局長興奮倒數：「三、二、一……」頃刻，燈光亮起，特別豪華的首席辦公室裏，堆滿名牌椅。

「唔夠位之嘛，我哋加多幾張櫈，咪上到堂囉！」吳得掂自信滿滿：「啲櫈又名『龍椅』，坐住上堂，實做大官！」

豈料，一鷹殺出，邊啄吳得掂的臉邊叫「非、非！」一班家長聽到兩個「非」字，以為雙非又再殺到，驚起嚟隊冧咗吳得掂同埋隻鷹，天下從此太平。