德國政府經濟顧問小組靚女智囊Beatrice Weder di Mauro突然公開話人稱「末日博士」嘅著名經濟學家魯比尼差佢一筆債，一向具危機意識嘅魯比尼經常叫人小心風險，竟然都欠女人一身債？

魯比尼被揭欠落女人「一身債」。（資料圖片）

雖然係靚女追債，但唔係「情債」係「賭債」，原來Mauro喺一二年歐債危機時，同魯比尼打賭希臘會唔會退出歐元區，結果當然係Mauro贏出，佢仲話每次同魯比尼見面都會追債，魯比尼保證下次見面一定還債。佢哋講緊嘅賭債係乜？原來只係一支香檳。一支香檳唔使幾多錢啫，實情係魯比尼輸支香檳事小，輸牙骹事大，仲要輸畀女士添！但希臘政府可能要多謝魯比尼，因為佢預言希臘退出歐元區，好彩佢預測錯誤！所以話呢支香檳直頭係希臘嘅救星！

第一手消息請下載on.cc東網iPhone/iPad/Android/Windows Phone Apps