SUN搞作：少膽虫手記：《爛果》爛又濫
「正呀！又多件！」淫賤黎喺房內傳出猥瑣的聲線。不消數十秒，又傳來「今鋪爽呀！」的聲音，少膽虫聽得一臉糊塗時，又有「呵呵呵！」的淫蕩笑聲發出，此刻，少膽虫已按捺不住，決定窺探房內的淫賤黎搞邊科。
少膽虫喺門縫中，只見淫賤黎右手揸滑鼠，左手玩鍵盤，面露奸險嘅笑容。突然，淫賤黎望實少膽虫：「(目及)夠未？」嚇得少膽虫個虫膽差啲跌出嚟，慌張問：「腦細，因乜事咁開心？」
「原來喺xb度開帳戶，只要主動邀請同接受『朋友』，久而久之《爛果》就有千千萬萬個『朋友』，係咪掂先？」淫賤黎囂張道。「識朋友咋腦細！」少膽虫輕聲道。
「《爛果》有更多『朋友』，一方面得到好多『讚』，另一方面仲幫埋《爛果》宣淫添，又可以增加讀者嘅人數，真係一舉兩得吖！哈哈哈！」淫賤黎字字鏗鏘。「腦細，咁同中學生濫交識朋友有乜分別？《爛果》係咪真係爛到要咁濫，濫擸讀者吖……」少膽虫衝口而出。
無知嘅少膽虫口出狂言，睇嚟八月十五又要受苦喇……
