咖啡係港人熱愛嘅飲品，大大小小咖啡店成為城中人嘅好去處，本身係「賓卡」嘅徐奕基（Raymond）兩年前轉型做咖啡店，佢轉行之後，做得好投入，連佢仔仔都鍾意，依家已經揚言要學咖啡「拉花」喇。
咖啡獨有的拉花技藝吸引唔少年輕人，徐奕基仔仔都唔例外。（資料圖片）
徐奕基原本喺海通國際機構客戶部做董事總經理，兩年前同個意大利籍老友Domenic Spadaccini夾份開咗咖啡品牌店，佢尋日透露，經過兩年摸索後熟咗門路，估計旗下品牌店今年開始會「有錢賺」。咁幾時會發展至主板上市呀？佢就笑笑口話「未有咁快」，話起碼都要有二十間舖先有得諗，相信可能仲要幾年時間。
Raymond情傾咖啡事業，影響埋仔仔都對咖啡產生咗濃厚興趣，成日都要同佢哋公司圓方店嘅澳洲兩屆咖啡師冠軍及世界拉花冠軍Scottie Callaghan學拉花技巧喎。
第一手消息請下載on.cc東網
