哈哈！一個在香港特區內恐龍展覽，足讓偉大祖國領導人安心，不再憂慮下一代港人與祖國不接軌了！

哈哈！正在北京舉行的中共十八屆三中全會好應倣效香港特區政府全體建制派午餐咁，齊齊舉杯三叫歡呼，用以慶祝下一代港人的「真實回歸」吧！

說其「真實回歸」，再不是只在國籍身份上那表面層次，而係生理、心態、行為和文化上，香港新人類完完全全是個「百分百中國人」了！

恭喜恭喜！

習總對全國的管治施政，毋須再三顧慮香港特區異化問題矣！淨係呢個恐龍展之嘛！就可反映香港兒童的質素，全去外國化，好踏實地體現大中國民族的傳統本能，爆發強國人的潛能，建構興盛繁榮的統一大道啦！外國勢力想干預香港？一定不能得逞，必定徒勞無功！

上個月，香港科學館宣傳呢個恐龍展時，本欄早已斷言呢劑沒有好下場，尤其是其玩意設計，好大陸化，會教壞細路，嗱！好似用一支棍去撩恐龍（那裝有感應器的司令棒），將來班仔去真正動物園，咪又搵嘢搞獅子老虎囉！強國人去到外國ZOO，咪掟水樽撩老虎囉！仲有，呢度全部遊戲設計，也多以「粗暴」動作為主，唔淪為小魔怪大戰假恐龍的鬥獸場就怪啦！現場，見不少家長鼓勵小童「打恐龍」。館方用圍欄隔絕o架啦！啲家長都要抱起細路，讓佢去拍打恐龍個頭，一啲家教都無！所以，香港點使國民教育去洗腦吖？仲點需要反智的五毛黨唱好特區政府吖？慳番啲維穩費吧！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東網iPhone/iPad/Android/Windows Phone Apps