SUN搞作：少膽虫手記：日日要舐撻
「掂喇！掂喇！呢鋪掂喇！」淫賤黎叫聲震天。少膽虫生怕有人舉報壹全霉有精神病人，即刻衝入腦細房，「腦細，發生咩事？」淫賤黎一臉囂張，「我已經諗到辦法解決壹全霉無錢嘅問題！」Mission Impossible竟畀淫賤黎拆掂？「腦細，究竟係咩絕世好橋呢？」
「少膽虫，喺全霉做就留意吓新聞，有研究話窮人細路易肥，我有名畀你叫肥佬，仲唔可以扮窮呃綜援？」淫賤黎奸笑畢現。「腦細，成間壹全霉，唔計你得肥豪係肥，兩條友拎埋都唔夠公司畀雜費……」少膽虫輕聲道。頂撞腦細，少膽虫得嘅又係「掌賞」，「質疑我？我一早諗掂咗喇，兩個人唔得，咪成間壹全霉嘅人一齊變肥，咁咪得囉！」
「一齊變肥？」少膽虫忍唔住衝口而出。淫賤黎摸摸肚腩，「其實唔難，花旗國禁人工反式脂肪，我哋同佢咁friend，問佢哋大手攞，到時日日食蛋撻，仲唔肥過豬！」
「咁咪即係日日要舐撻？！」少膽虫終於明白，點解天下嘅肥仔都係用同一個姓……
