SUN搞作：Sun官場現形記：氣小而不行
周一鑊扮晒嘢，學人遊行博出鏡，點知行唔夠一陣就離隊快閃，抽水味濃。有市民睇唔過眼，上前質問佢，周一鑊當場激到面都紅……
市 民︰有冇搞錯，人哋遊行，你就抽水！
周一鑊︰咁我有嘢做，要行開吓先。
市 民︰有嘢做就唔好嚟，行一小段就走，一啲都唔尊重遊行人士！
周一鑊︰唉，唔怕話你聽，我唔夠氣所以行開休息下……
市 民︰唔夠氣？你唱《忘不了你》又咁長氣，轟炸我哋聽覺？
周一鑊︰好喇，講夠喇！唔好再亂講嘢！
市 民︰話你兩句就激到面都紅，你講得啱，你真係「小器」囉！
周一鑊︰@###$$%%^^
