前藝人楊婉儀同練馬師王登平個仔王瑞勳結婚多年，育有一對仔女，佢同囡囡Hannah同囝囝Jonah尋日就一齊出席一個步行籌款活動，而由佢所創立嘅兒童中心，更喺活動中有表演環節，佢一對仔女仲擔任司儀，囝囝因此非常緊張。佢笑言：「因為囝囝嘅台詞係中文，但平日我哋喺屋企講英文多。加上我又尋日先畀對白佢，不過佢都背熟咗，依家淨係差啲信心。」

楊婉儀同仔女一齊出席步行籌款活動，一對仔女仲擔任司儀添！

為咗訓練仔女嘅中文水平，佢同老公故意訂立「講中文日」，要求佢哋整天以中文交流。除此之外，佢亦讓仔女學普通話。佢笑言：「依家囡囡識中文多過我，我唔識嘅字佢會教番我。」

第一手消息請下載on.cc東網iPhone/iPad/Android/Windows Phone Apps