SUN搞作：官場現形記：任睇唔嬲
私隱署署長「蔣任暈」喺街上面，見到有位市民慌失失，於是就上前問吓發生咗咩事，點知就畀人鬧到一面屁……
蔣任暈︰先生，你發生咗咩事，有冇嘢可以幫手？
市 民︰死喇，呢鋪畀人睇蝕晒！
蔣任暈︰哦，男人老狗，怕咩畀人睇蝕？
市 民︰你真係唔怕？話晒都係重要嘢……
蔣任暈︰怕咩怕？我好有自信o架，雄風一展嚇死人，唔信我即刻除畀你睇。（蔣任暈作脫狀）
市 民︰啋，你喺度做咩？
蔣任暈︰好身形怕咩畀人睇？
市 民︰我係講緊醫院懷疑洩漏病人私隱單嘢，你唔怕資料任人睇，即刻畀我睇吓你有幾錢身家！
蔣任暈︰@###$$%%^^
