十一月旺嫁娶，政商界喜事連連。中港照相器材集團主席孫大倫娶新抱，細仔孫道熙跟拍拖數年的林珊亭拉埋天窗，日前喺會展舉行世紀婚禮，城中富商巨賈、高官、名人雲集。一對新人應記者要求兩度咀嘴，新郎更發表愛的宣言，大讚太太細心，能包容佢嘅少爺脾氣。

愛
新郎孫道熙與新娘林珊亭情深一吻，愛意盡在不言中。

喜
新郎孫道熙（左三）與新娘林珊亭（右三）共諧連理，孫大倫伉儷（左一及二）與新娘父母（右一及二）喜結親家，當然好開心。

慶
行政會議成員林健鋒伉儷（左二及一）與前財政司司長梁錦松伉儷（右一及二）幾乎同一時間抵達會場慶賀，真係約都無咁啱。

俏
中總永遠榮譽會長霍震寰女兒霍思緯（右）當晚擔任兩個婚宴新娘嘅姊妹，但連趕兩場依然容光煥發。左為毛紡大王曹光彪孫女曹穎惠。

美
永遠最美麗港姐朱玲玲以簡潔黑裙配襯紅色披肩，貫徹優雅風格。

歡
前商務及經濟發展局局長馬時亨伉儷細女早前出嫁，今晚又嚟戥老友孫大倫開心。

賀
大家樂集團主席陳裕光伉儷恭賀一對新人百年好合。

雅
行政會議成員葉劉淑儀連趕兩場婚宴，出席首場婚宴時靚裙爆咗拉鏈，幸好趕回家換咗圖中嘅晚裝仍不失雍容，左為千金葉榮欣。

第一手消息請下載on.cc東網iPhone/iPad/Android/Windows Phone Apps