消防處喺今年六月接到不明來歷嘅投訴，喺未經核實之下高調派員到正義傳媒機構調查消防系統，結果投訴唔成立，惹起多名立法會議員關注及多番跟進。然而，當局日前回應立法會議員質詢時又交行貨，消防處處長陳楚鑫採取呢種冇懲處、欠交代、無憑據、不查證嘅態度，縱容報假案害忠良，濫權闖報館嘥資源嘅行為，審計署同申訴署必定要追究到底，陳楚鑫咪以為就嚟退休就可以甩身。
