安全局局長戙國同醫生一件頭，就強制驗毒問題唇槍舌劍。戙國語重心長道︰「我咁做係為大家好，相信咁可以有助吸毒者戒毒！」一件頭輕嘆搖頭︰「局長，你究竟視人權為何物？如果你喺街上面無端端被人拉住，叫你測試驗毒，你又情何以堪？」

戙國昂首，自豪地說︰「如果唔係身有屎，怕咩被人驗，我一定會同執法人員合作！而且我哋嘅目的係協助，唔係懲處，咁做係為大家好！」至此，一件頭深知自己對牛彈琴︰「睇嚟，香港嘅少女都要為將來擔心……」戙國聽得不明不白，「乜依家好多少女吸毒咩，需要為呢樣政策憂心？」

「依家可以強制驗毒，將來如果話要阻止未成年少女發生性行為，咁咪又要強制驗……」一件頭輕輕苦笑，轉身離開……

第一手消息請下載on.cc東網iPhone/iPad/Android/Windows Phone Apps