「腦細，唔好咁大力！」肥豪呻吟。「知我厲害未？」房內再傳出淫賤黎的聲音。少膽虫打開房門一看，「腦細，你做咩騎喺肥豪上面？仲要着晒機師裝，唔通係制服……」少膽虫道。淫賤黎一時語塞，「……係、係制服……」

淫賤黎急急整理衣裝，「你見唔到我哋玩緊cosplay咩？我哋要為《爛果》作面版新聞攞靈感，而我機師嘅角色制服咗恐怖分子！」少膽虫再仔細一望，「咁點解肥豪着住空少衫，你又拎住支蠟燭？」淫賤黎面不改容道︰「恐怖分子扮空少唔得咩？用蠟燭制服恐怖分子唔得咩？咪再講，我哋差個乘客角色，少膽虫你嚟做。」

只見肥豪遞上餐盤，載有一林檎︰「請慢用！」肥豪更點燃蠟燭，似要增添氣氛。少膽虫一口咬下，總覺有股異味。此時淫賤黎再道︰「少膽虫，你鍾意屎味嘅爛果，定爛果味嘅屎？」少膽虫不假思索即說︰「梗係屎味嘅爛果，唔通食……」話未畢，少膽虫頓時想通，即作大嘔，更一手推開蠟燭。詎料，蠟燭不偏不倚落在淫賤黎胸前，火勢一發不可收拾。「燒到個胸爛喇，胸爛喇！」淫賤黎叫喊。少膽虫同肥豪急忙幫腦細撲火，呢鋪真係名副其實嘅「空難」囉！

第一手消息請下載on.cc東網iPhone/iPad/Android/Windows Phone Apps