公眾洗手間廁紙含菌量驚人，市民人人自危，如要自保「有乜計」？有傳染病科醫生表示，保持廁格清潔及將廁所板放下才沖廁，有助減少細菌於廁紙上孳生，使用廁紙時亦可先撕走表面一層才用，如仍有疑慮，用自攜紙巾較安全。

香港傳染病醫學會醫生曾德賢表示，廁紙含菌量與廁格衞生有關，建議有關機構及部門做好洗手間清潔，減少細菌孳生。另外，市民如廁後亦應將廁所板蓋上才沖廁，以免細菌亂飛，「沖廁過程中細菌會隨水花飛出嚟，冚埋個廁所板細菌就唔會飛到去廁紙度。」他又指，如將廁紙放於廁格外，受污染的機會亦能降低。

「如果要用廁紙清潔嘅話，可以先搣咗面嗰層。」他解釋細菌容易在廁紙最表面的一層孳生，卻較難進入內層，故使用內層清潔相對安全，不過他建議市民如要避免受到感染，應避免使用骯髒的洗手間及自備紙巾。

第一手消息請下載on.cc東網iPhone/iPad/Android/Windows Phone Apps