城中鏡：王利民雞汁妙喻強積金

康宏調查發現，七成受訪港人要「有得揀」，揀啲咩？揀強積金計劃呀！市面上有十九個受託人，總共有四十一個積金計劃，老實講，無論係積金表現，抑或係服務水平，都會有啲參差。

一千零十名受訪者當中，只有約四成人為咗追求更理想嘅回報，而喺過去一年轉變積金計劃。不過，依然約有六成打工仔無轉會，當中有兩成人覺得手續繁複，怕麻煩喎！

王利民話好多打工仔都懶理強積金，啲人慣性唔轉會，又點加強市場競爭呢！佢講笑咁話，雞汁唔一定最好，濃湯寶可能都唔錯呢！呢啲嘢，就真係要試過先知，但最緊要「有得揀」嘛！佢唔嫌長氣，繼續提醒打工仔，可以無限次轉會，因為「沒有最好，只有更好」。