SUN搞作:Sun官場現形記:貪曾廢噏
正所謂一子錯,滿盤皆落索,貪曾主政時唔做嘢,跟手嗰個對住滿盤垃圾,一樣係無得掹。好彩呢,香港有個垃圾會,專門就回收啲議題再重複又重複咁講……
亡國興:第一個問題,你做咩唔喺新界起公屋?
貪曾:嗱,新界好多屋都係啲人嘅阿公留畀佢,都算公屋。
亡國興:狡辯!嗰啲係丁屋呀!
貪曾:一樣啫,清朝政府畀佢哋起嘅都當公營房屋喇!
亡國興:咁你又唔區區都起?區區都需要!
貪曾:呢位議員真好笑喇,唔通我會想深圳禮賓府旁邊起公屋?顧吓香城市民仇窮心態好喎!
亡國興:嗯……第二個問題,你做咩唔喺石澳起公屋?
貪曾:等等,你嘅第三、四條問題係乜?
亡國興:咪問你點解唔喺蒲台島起公屋囉?仲有龍鼓灘、石壁未問……
貪曾:有得揀市區,邊個會去住呀!
亡國興:無計啦,唔搵嘢問點似做緊嘢……
貪曾:@&^~#%!!!