「少膽虫，你識唔識字o架？成個版十幾隻錯字都可以出街嘅？」淫賤黎震怒。少膽虫拎起份《爛果》一睇，真係慘不忍睹，「腦細，你知喇，做報紙時間趕，你又炒晒啲校對，錯字就難免……」
「仲解釋？我哋咁多錯字，仲點可以自詡第一宣淫大報？中文已死，嗚呼哀哉！」淫賤黎仰天長嘆，反晒白眼。少膽虫見淫賤黎出口成文，當然要迎合一番︰「古語有云：淫賤不能移，腦細你辦報宣淫嘅宗旨絕對唔能夠畀幾粒錯字動搖呀！」淫賤黎聞言一臉疑惑：「淫賤不能移？有呢句古語咩？邊個古人講o架？」少膽蟲印象中好似有位古人噏過類似嘅說話，但又唔記得係邊個，正諗住老作應付時，編輯肥豪突然喺辦公室門罅閃入來答嘴：「係孟子講o架，不過佢係話『貧賤不能移』……」「肥仔！你做咩無端端竄入嚟？做完晒嘢嗱？」少膽蟲見勢色唔對，即時喝住條肥仔並打發佢走，但見淫賤黎怒睥過來：「豈有此理！你亂咁引經據典，仲話我賤，係咪睇唔起我？」少膽蟲連忙解釋：「腦細，我讀得書少，梗係冇你咁英明……」
淫賤黎一拳打落少膽虫的天靈蓋，「讀得書少可以做腦腫，我就話你都係古人，但係斷估個估囉！唔怪得之我哋成日有獨家料啦，原來係斷估冇辛苦！」
第一手消息請下載on.cc東網少膽虫
