城中名媛齊推動遊樂權利，為兒童創造不一樣的遊樂機會，日前喺金鐘一間酒店舉行慈善晚宴，一眾為人父母嘅名人齊撐場。另藝術文化活動不停升溫，2014年節目率先預告。每年均舉辦逾一百二十個活動嘅「法國五月節」，即將踏入第二十二周年。2014年主題將圍繞着中、法建交五十周年，早前喺山頂白加道政務司司長官邸舉行盛大派對，高官名人雲集。

慈善晚宴
啟發
商務及經濟發展局前局長馬時亨大女馬露明與夫婿劉仲恒（右二、一）、「女廚神」陳彥琳與夫婿朱宏中（左一、二）都係叻人一族，多得父母兒時用遊戲啟發智力。

高雅
恒生新抱何倍倩佩戴為「智樂」籌款嘅鑽石頸鏈，高雅大方。

投契
前港姐楊婉儀（左）的子女曾就讀香港島各界聯合會首席會長丁毓珠旗下幼稚園，講起教仔經，兩人分外投契。

見解
智樂慈善晚宴籌委會主席劉雪文（中）同丈夫鄧國威（左）拒做怪獸家長，身旁嘅香港青聯副主席彭芷君都話教仔最緊要有耐性。

法國五月節
交流
愛沙尼亞駐港名譽領事林建康夫婦（左一、二），與百利建國際有限公司董事總經理陳正欣夫婦難得碰頭，呢晚大談收藏藝術品心得。

撐場
法國駐港澳總領事栢雅諾（右起）、法國五月節籌委會成員季玉年、已故船王包玉剛女兒包陪麗及蘇富比亞洲區行政總裁程壽康齊現身撐場。

聚首
已故全國政協副主席霍英東孫女霍思緯（右起）與香港馬凌畫廊總監江馨玲、福茗堂創辦人李少傑女兒李蔚盈聚首，藝術係佢哋嘅共同語言。

啱傾
法國文化推廣辦公室主席阮偉文（左）情傾西洋畫作，嘉頓新抱張王幼倫就喜歡古典音樂，兩個藝術迷相遇，有說不完的話題。

第一手消息請下載on.cc東網iPhone/iPad/Android/Windows Phone Apps