唔使問阿貴，大家都知道，為何大陸人要一窩蜂的湧落嚟香港生仔、買奶粉同藥品，甚至移民。究其原委，香港仲未完全大陸化、劣質化，仲可以講道理、有法制……一言以蔽之，香港地，還仍有信譽的。不過，應該好快，此地的種種優良形勢，統統毀滅o架啦！

唔信，請看看近期香港「內部」的變化先啦！我講的，不再係特區廢柴政府內部的腐爛愚庸，而係民間突然多咗一批反智白癡低能可惡嘅人，日夜顛倒是非黑白、偷換概念、自我美化，學足大陸文革時期的抹黑別人，文攻武嚇，以洗腦方式狗噏口號，弱化社群，大舉愚民路線！

最新的例子，就係由一群「撐國教」的騎呢之輩，form一檔叫「正義聯盟」嘅嘢。喂！粉皮，你哋知唔知乜嘢叫「正義」o架？

有狐臭的，愛狂噴香水掩蓋體臭，可理解！

「正義」，《辭源》的意思：「正當的、公正的道理」，或「正確的含義」，這拆字式的解說，不足用於現代社會新論述，如今咱們所理解的「正義」，是英文的「Justice」，當然，那直指公道正直，兼公平慈愛之表現啦！除了是一種人格的特質美德外，它主要係一項哲學、法學和神學上不斷思考和辯論嘅話題，有關社會內人事物之適當安排嘅抽象概念。

嗱！唔好話我歧視呢班人，以佢哋嘅質素，用「公義」兩字，想混淆視聽、塗脂抹粉、自我感覺良好啫！食蕉啦！但最弊，污衊咗「正義」一詞嘛！

真的，內地人都唔想見香港大陸化、劣質化！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

第一手消息請下載on.cc東方互動iPhone/iPad/Android/Windows Phone Apps