城中鏡：虞茱迪搭車被查身份證
代理咗唔少手袋、時裝品牌嘅名媛Judy虞茱迪保養得宜，原來佢今年已經六十六歲。佢更透露喺舊年申請咗長者卡之後，每逢星期日都定必搭港鐵外出，享受每程只需兩元嘅乘車優惠，更自爆被港鐵職員查身份證。佢笑言：「不過我第一次畀人查唔係搭港鐵，係買戲飛。嗰時我同另外一個都係有長者卡嘅朋友一齊去買戲飛，個職員都要我出示身份證。結果張飛係五十蚊，我開頭以為有半價，但原來只係平咗十蚊。」
虞茱迪保養得宜，睇唔出已經六十六歲。
Judy又話近日代理咗一個美國品牌、以不銹鋼製造嘅水樽，既能保溫又能保冷。佢話：「我之前喺朋友度見到就愛不釋手，唔單止顏色搶眼，又環保。」
