城中鏡：陳霞芳搞「變臉」答謝客戶
本港銀行競爭一向好激烈，難得有貴客選用自己銀行嘅服務，銀行梗係出盡法寶去答謝佢哋嘅支持啦！最近交銀香港就搞咗個晚宴，仲安排咗傳統中國技藝——變臉，畀一眾客戶欣賞。
陳霞芳表示，晚宴採用「傳承」為主題。
晚宴上安排咗變臉畀一眾客戶欣賞。
交銀香港副行政總裁陳霞芳話，呢次晚宴採用「傳承」為主題，而成個環境、美食都充滿傳統中國色彩，呢個咁有品味嘅晚上，唔知有幾多係香港客戶呢？聽講呢次晚宴一啲都唔嘢小，除咗珠寶鑑賞天橋Show，仲有傳統中國技藝——變臉，睇到大家目瞪口呆。
另一間要答謝客戶嘅就係信銀國際，皆因CITIC first自○六年推出，客戶人數一樣係咁升，截至今年九月底，已約有二萬二千五百名客戶，但呢啲唔係普通客戶，因為入場門檻都要一百萬港元o架！
