城中鏡：鄭詩韻酒量退步
喺一個香檳活動遇見名媛鄭詩韻，佢透露先前一晚先飲咗好多茅台酒，咁啱就係參加香港國酒茅台之友協會活動，佢大讚茅台酒釀咗五十年，非常香醇，故唔易飲醉。咁佢酒量係咪好好？佢笑笑口話：「以前好啲，依家麻麻哋，不過我最鍾意都係飲香檳，老公就鍾意飲紅白酒。」
鄭詩韻自爆以前酒量好過依家。右為其夫陳鴻業。
何倍倩自認係飲得之人。
對於香港電視不獲發牌，佢就認為應該讓觀眾有多點選擇，佢話：「有競爭係好事，香港電視台太少選擇，啲綜藝節目又沉悶，我返到屋企都淨係睇有線新聞台，國內節目好揼本，唔怪得啲人話三十年前嘅劇集好睇好多啦！」
何倍倩好飲得
出席同一場合嘅「恒生新抱」何倍倩都話自己係飲得之人，仲話唔好睇佢外表溫柔，實際係點飲都面不改容喎！佢又透露，打算冬天帶大仔去北海道滑雪，又讚老公滑雪技術精湛，佢話：「嗰時老公教我，都由得我係咁滑到跌，最後都學識，我都諗住用番呢個方法教個仔滑雪。」
