「你唔好激嬲我……」淫黎呢排恍恍惚惚,成日鎖自己喺房自言自語,嚇到成班同事冇心機做嘢。聽到淫黎又喺房咆哮,成班人即刻匿喺房門外面視察形勢,懶有跑新聞經驗嘅菜嫌貴細細聲話:「爛果之下有弱兵,但嗰個一定唔係我!根據我嘅observation,有場戰爭會開打……」聞之,膠蘇滴晒冷汗,喊晒口咁問少膽虫:「腦腫,《喪報》唔係幫我哋擋晒煞喇咩?」

「傻仔,依家爛果大定政策大?一男子先係最大呀!」菜嫌貴翹埋雙手,拿出職工會拗糧嘅氣勢分析。「鍊死你!」淫黎又再怒吼,門外嘅膠蘇已經驚到腳軟,攤咗喺地企唔番起身。扮正義嘅菜嫌貴即刻講咗句:「黑箱作業!」少膽虫唔忍呢條搞事分子喇!為咗攞番個尾彩,馬上兇佢:「你估行會咩?我哋壹全霉咩都會公開嘅!」

少膽虫推開房門,即見淫黎一副「忍」樣,原來開緊支「嘩哈哈」營養快線,淫黎突然開心大叫:「終於開到喇!」三秒之後,一陣異味竄出,瓶中液體如江河傾瀉,「澎!」未及回神,火光乍現,伴隨巨響,把壹全霉炸得變成爛殼。

第一手消息請下載on.cc東方互動iPhone/iPad/Android/Windows Phone Apps