SUN搞作:SUN官場現形:記貪曾出賣靈魂
貪曾貪得無厭係人都知,繼本報日前踢爆內地人賣眼角膜,今日李衞就喺鬧市撞到貪曾衰到想賣靈魂換酒飲……
貪曾:還番晒啲酒,又唔想自己畀錢買!
途人:我送畀你吖,不過你要出賣靈魂!
貪曾:我做慣o架啦!賣呀賣呀!
途人:你可以賣幾多?
貪曾:只要有酒,七百萬人嘅利益我都照賣!
途人:咁又唔使咁多,暫時我要你嗰對就得喇(拎刀出嚟)!
貪曾:做咩?我賣靈魂咋,冇錢畀你打劫呀!你唔好蝦我呀!
途人:全世界都知你冇靈魂啦,你淨係識呃飲呃食嘅啫!我依家係要你塊「靈魂之窗」─ 眼角膜咋!點呀,賣唔賣?