政府於一五年成立旅遊業監管局,接手現時旅遊業議會向業界發牌及規管業界嘅工作,但點知呢個安排打亂咗旅遊業議會總幹事「阿董」董耀中嘅退休大計。

董耀中

其實,阿董原定一一年退休,旅議會當年花咗四十多萬元公開招聘總幹事,但新接班人竟然臨時縮沙,結果阿董被游說「再坐一會」,押後兩年至今年底才退休。不過,由於政府決定於一五年成立旅監局,旅議會考慮到若重新招聘總幹事,任期太短未必有人願入職,理事會亦認為過渡期間,一個經驗豐富嘅總幹事對議會非常重要,因此決定邀請阿董再延任兩年,即阿董前後要延遲四年先可退休喇!

阿董話家人冇投訴,仲話最緊要佢做得開心、冇壓力,體力可以應付就得。對於未必人人撐拒留任,佢話:「笑罵由人早已習慣了!」

第一手消息請下載on.cc東方互動iPhone/iPad/Android/Windows Phone Apps