政壇：邀建制聯署田少食檸檬
免費電視發牌風波鬧得熱烘烘，原來唔止為泛民提供政治彈藥，仲為被稱為建制派「壞孩子」嘅立法會議員「田少」田北俊提供一個出位機會。田少發起建制派聯署，促請政府向香港電視發出免費電視牌照，點知建制派就以司法覆核進行中為由拒絕，請佢食咗一個大檸檬，田少惟有面懵懵要求泛民主動提出聯署要求。
田北俊游說建制派參與聯署失敗。
其實泛民之前提出引用《立法會（權力及特權）條例》要求政府公開行政會議討論發牌嘅內容，田少就猶抱琵琶半遮面，話要視乎情況而決定係咪支持，但依家又忽然提聯署要求政府發牌畀港視，唔知佢想點呢？
